العناية بالمطبخ

العناية بالثلاجة وخطوات تنظيفها

تحتاج الأجهزة الكهربائية إلى الصيانة الدورية البسيطة التي تطيل من عمرها وكفاءتها‏, ولا تستثنى من هذا ثلاجتك،‏ وإليكِ بعض النصائح حول عملية العناية بها وتنظيفها‏:
-لا تضعي أي شيء أعلي سطح الثلاجة حتي لا يعوق التهوية وحتي يعمل الكباس بكفاءة‏,‏ كما يجب ترك مسافة كافية سواء بين المكثف والحائط أو بين جوانب الثلاجة ووحدات المطبخ
‏ــ تجنبي فتح الثلاجة علي مدي اليوم ـ خاصة في رطوبة الجو العالية ـ لأن ذلك
يؤدي إلي رفع درجة حرارتها‏.‏
ــ لا تضعي أي شيء أعلي سطح الثلاجة حتي لا يعوق التهوية وحتي يعمل
الكباس بكفاءة‏,‏ كما يجب ترك مسافة كافية سواء بين المكثف والحائط أو بين
جوانب الثلاجة ووحدات المطبخ المجاورة حتي يسمح للهواء بالمرور بحرية‏,
‏ ولا تضعي الثلاجة بجانب الفرن أو غسالة الأطباق أو أي مصدر للسخونة‏.‏
ــ قومي بتنظيف الثلاجة بشكل دوري لتجنب انبعاث الروائح والتصاقها بها‏,‏
وتذكري أن الوقاية دائما أفضل‏,‏ وتخلصي من الطعام الفاسد علي الفور لمنع
انتقال الميكروبات إلي الأطعمة الأخري‏.‏
ــ للوقاية من الروائح الكريهة علي المدي الطويل‏,‏ ضعي علبة من بيكربونات
الصودا مفتوحة داخل الثلاجة‏.‏
ــ احرصي علي وضع اللحوم والفراخ والأسماك النيئة في الرف السفلي داخل
الثلاجة حتي لا تتساقط منها أي سوائل علي الأطعمة الأخري فتفسدها‏,‏ ولا
تبقيها داخل الثلاجة لأكثر من يوم أو يومين حتي تطهيها أو تضعيها في الفريزر‏.‏
ــ قومي باستخدام الأطعمة الموجودة بالداخل في أسرع وقت ولا تتركيها حتي
آخر وقت مسموح فيه باستخدامها‏,‏ لذلك حاولي تطبيق قاعدة مهمة وهي
استهلاك الأقدم أولا‏.‏
ــ تأكدي من تغطية أو لف كل الأكل قبل وضعه في الثلاجة لأن الأجزاء
البلاستيكية أو المطاطية قد تمتص الروائح من الأطعمة غير المغطاة خاصة إذا
كانت فاسدة‏.‏

لتنظيف الثلاجة‏

ـ اخرجي كل الأطعمة الموجودة وكل مكونات الثلاجة الداخلية‏.‏
ـ امزجي‏2‏ ملعقة كبيرة من بيكربونات الصودا مع ربع كوب من الماء الدافئ
وامسحي بها الثلاجة من الداخل علي أن يكون ذلك بقطعة من القماش النظيف‏.‏
ـ تبدأ عملية التنظيف من أعلي لأسفل لتجنب سقوط الأوساخ علي المناطق التي
تم تنظيفها‏.‏
ـ قومي بعملية التجفيف باستخدام قطعة قماش جافة واتركي الباب مفتوحا لفترة
للتأكد من تمام الجفاف‏.‏
ـ تنظيف الثلاجة من الخارج يكون من أعلي لأسفل باستخدام مسحوق تنظيف
مع ماء ساخن أو دافئ بالنسبة للثلاجات المصنوعة من الاستانلس ستيل‏,
وتأكدي من استخدام قطعة قماش ناعمة مع الخل أو مسحوق لتنظيف الزجاج
ليبقي السطح لامعا‏.‏
ـ لا تنسي تنظيف الاطار المطاطي حول الباب لأنه جزء أساسي وحيوي في
الثلاجة وذلك باستخدام سائل تنظيف الأطباق مع الماء الدافئ لأنه مكان لتجمع
الميكروبات والأوساخ فتتسبب في تشققه ويتم تجفيفه‏,‏ إذا لاحظت تشققه يجب
تغييره علي الفور لأنه المسئول عن المحافظة علي الهواء البارد بالداخل‏.‏
- اعلمي ان الغبار المتراكم علي المكثف ـ خلف الثلاجة أو أسفل منها ـ يؤثر
علي كفاءة الثلاجة ويزيد من الطاقة المستخدمة‏,‏ وبالتالي يؤدي إلي ارتفاع
فواتير الكهرباء‏,‏ لذلك يجب تنظيفها كل ثلاثة أشهر باستخدام المكنسة
الكهربائية أو مرة في الشهر إذا كان لديك حيوانات أليفة داخل المنزل‏.‏
ـ إذا كانت الثلاجة بها مخرج للمياه أو للثلج‏,‏ فلابد من تغيير فلتر المياه بشكل
دوري كل ستة أشهر أو حسب الإرشادات المدونة عليه‏.‏
ـ افرغي الحوض الذي يتلقي المياه المكثفة إذا كان مملوءا لأنه يعوق القدرة
علي التبريد ونظفيه وضعيه مكانه‏.‏
- اغسلي الثلاجة مرة على الأقل كل 10 أيام ، وذلك بتنظيفها بالماء والصابون
ويمكنك بعد ذلك أيضاً شطفها بماء به كولونيا من أجل الرائحة الطيبة ، ثم
تجفف جيداً، وبعد عملية تنظيف الثلاجة لا تستعمل ولا ترص فيها الأطعمة إلا
بعد مرور ساعتين على الأقل من عملية التنظيف.
- حتى تحتفظي برائحة الثلاجة طيبة زكية: ينصح بوضع قشور البرتقال
والليمون في أطباق صغيرة توزع في أكثر من موضع داخل الثلاجة .
- وحتى لا تختلط الروائح المتعددة داخل الثلاجة: ينصح بوضع قليل من الفحم
فيها، حيث يمتص الفحم الروائح العالقة.
- للحفاظ على برودة الثلاجة: انزعي فيش الكهرباء لمدة 10 دقائق كل عشرة
أيام، ثم يعاد التشغيل مرة أخرى من أجل المحافظة على قوة التبريد

موسوعة كاملة لعلاج كل مشاكل التنظيف المنزلية

صابون مزيل للدهون الصعبة من الأواني :

ملعقة صابون غسيل زي فيري أو بريل + واحد كوب خل أبيض + واحد كوب ماء

يخلطوا ويوضعوا في أي زجاجة فارغة عندك .

*************

صابون للفرن والبقع المستعصية :

عدد3 ليمون يقطع ترانشات + 200 جرام ملح + قليل من الماء حوالي ثلث كوب

التحضير :

نخلط ترانشات الليمون مع الماء في الخلاط جيدا مع نزع البذر من الليمون قبلها + الملح

ثم نرفع هذا الخليط على النار لمدة عشر دقائق ونضيف له نصف لتر ماء + 100 ملي خل أبيض

بعدما يبرد يعبأ في زجاجة فارغة و ممكن اضافة أي زيت عطري للحصول على رائحة مميزة .


*************

بقع الشحم

تفركي فيها بقطعة تباشير أبيض

لحد ما تغطيها بكثافة وتتركيها قد ساعة أو اتنين ...

ثم تغسلي الجزء ده بصابون الملابس بتاعك وتدعكي كويس ..

*************

بقع الحبر..........


.افضل طريقة عن تجربة (( خصوصا ان اولادى ماشاء الله عليهم يعنى غلبونى بمعنى غلبونى فى مسألة بقع الحبر دى ))..

الحليب ...


يعنى تنقعوا مكان البقعة فى شوية حليب لمدة ساعة وبعدين تتغسل شوية شوية ..

*************


تنظيف الترسبات


التي يسببها الصابون على حنفيات الدش في الاستحمام خل + ملح مباشرة على الليفة

وكذلك السيراميك المحيط بالبانيو وحوض الحمام ايضا وساعات بكسل أخلط خلطة إزالة الدهون من الاواني

فبحط في الطاصة شوية خل مع ملح وبفركها بالليفة وبتبقى بتبرق وتزيّق كمان من النظافة


*************
لتلميع أوراق نباتات الزينة الطبيعية في المنزل

قشر الموز من الداخل بعد ماتاكلوا الموزة بالهنا والشفا تاخدوا القشرة وهي لسه طازة

ويلمع بها النبات ماهي الميزة ؟

قشرة الموزة دي كلها ماغنسيوم وبوتاسيوم ومواد مهمة جدا لنمو وصحة النباتات

وجربوها في تلميع الأحذية الجلدية والشنط الجلد بدل شراء الاسفنجة اللي بتلمع بس بتبوظ الجلد وإدعولي

تلمعي الحذاء قبل الموز طبعا بقطعة من فانله قطن الأول

ثم بالقشر بتاع الموز ثم تتركيها قليلا وتلمعي بالفانلة تاني على خفيف


*************

صيانة الغسالات الأوتوماتيك والمحافظة عليها

لازم على الأقل نعملها غسلة (فُم )من غير هدوم خالص بس ماء وخل

حوالي 2 كوب خل وذلك لتنظيف الحلة الاستانلس من ترسبات المياة والخراطيم

ومحدش يقول الكلور بدل الخل لأن الكلور بيهري الخراطيم الداخلية بتاعة الغسالة .

*************

تجربه من خبره

مره كنت لابسه بنطلون ابيض و ماسكه كيس لونه احمر
و لما ركبت العربيه حطيت الكيس على رجلى
طبعا اول ما نزلت لقيت الكيس بقى لونه ابيض
لان اللون الاحمر هوه الى اتنقل على البنطلون الابض بتاعى laugh.gif laugh.gif
بس رحت لماما اعيطلها sad.gif
لان البنطلون ده كان عزيز عليا
بس ماما قلتلى و لا يهمك
و بعدين حطت على البقعه زبادى
و سبيتها عليه طول الليل
و الصبح غسلتها عادى
و لما نشف ما كنش هناك اى اثر للبقعه

*************
لإزالة اللبان


عامة من الملابس توضع قطعة الملابس في كيس بلاستيك في الفريزر

لمدة يوم كامل وبعدين نفركها هتكون نشفت وهتتفرك وتخرج في سهولة

ولو اللبان لزق في الشعر نمرر قطعة ثلج على اللبان لحد ما يتفتفت في ايدينا .

نصائح متنوعة

- للتخلص من أثار المواد اللاصقة على المصنوعات البلاستيكية .. إمسحيها بورق نشاف مبلل بغاز الولاعات ( يا إفتكاساتك يا معلم ) ...

- إذا إمتنع إبنك الصغير عن بلع الدوا - كالمعتاد يعني - دعيه يمتص قطعة من الثلج لمدة 10 ثواني .. والتي تقوم بتخدير مناطق التذوق في اللسان . وبالتالي لن يشعر بمرارة الهزيمة وسيحس بحلاوة الإنتصار

- لو عندك برطمانات مكانها عسل وعايزة توفري لجوزك وتستخدمي البرطمانات دي في حاجه تانية وفي بواقي عسل مش راضي يطلع من البرطمان .. قومي بسكب بعض من الحليب الساخن فيها ثم رجيها .. فالعسل هايدوب في الحليب وبالهنا والشفا

- لو عندك طماطم ناشفه خالص وعايزه تحوليها لطماطم طريه ... قومي بوضعها في كيس بلاستيكي مع تفحايه وأثقبي الكيس ثقب بسيط وأتركيها يومين تلاتة ... هاتلاقي الطامطم بقت طريه وحلوه وكلها حنيه وما حدش يسألني ومصير التفاحة إيه ...

- إقومي بدعك يديكي بالجلسرين والليمون ثم أرتدي قفازات قطنية قبل الذهاب إلى النوم وسيقوم ذلك بالقضاء على تأثير المواد الكميائيه الضارة التي تتعرضين لها طول اليوم من غسيل المواعين والحركات .


- لتحسين رائحة الغسيل .. أضيفي لمحسوق الغسيل معلقتين من مسحوق بيكربونات الصودا ...

- لتنظيف طاسة التحمير من الزيت .. قومي بوضع عدة نقط من صابون الغسيل على نص بطاطساية نية وإدعكي بها الطاسة ...... ( بأحب اللعبة الحلوه ... بجد )

... لعمل قرص بيض أومليت .. أخفقي البيض جيداً ثم ضعي قليلاً من المياة الغازية عليه قبل وضعه في الطاسة .... حد يفتكس بقى ويحط بيبسي إسود فيطلع الأومليت لونها مش ظريف .. يبقى هو حر ... يعني بالبلدي نحط شوية سفن آب ...

- إذا كان لديكي حذاء قد جف جلده .. قومي بطلائة بطبقة من الفازلين ثم أتركيه لمدة يوم .. فيعود الجلد طرياً .. وحلو

- .. للحصول على ملابس مفرودة جيداً .. قومي ببخها بماء مُثلج ثم أتركيها قليلاً قبل كويها ..

- في حالة وجود بقع عصير فواكه على الملابس .. قومي بشطفها بماء ساخن ... ثم غطي البقعة بالعسل الأبيض وأتركيها ساعة ثم أغسليها بالطريقة المعتادة ..

- الوصفة بتاعت الجينز دي شديدة .. قبل إرتداء البنطلون الجينز أول مره .. إغسليه بالماء الساخن مع وضع 50 جرام ملح خشن في الماء .. بعدها سيصبح القماش اكثر ليونه عند أرتداء البنطلون


*************
للتخلص من بقع القلم الجاف
على أي مصنوعات جلدية تستعمل المناديل المعطرة بتاعة البيبي

اللي منها بامبرز أو جونسون وما الى ذلك..

كمان المناديل دي بتعمل مفعول السحر لتنظيف الكمبيوتر والكي بورد وعدة التليفون والتليفزيون

حيث التراب مع حرارة الاجهزة بتخلي شكلها مش حلو زي ماكانت جديدة ..

*************

لتلميع الزجاج نعبي البخاخ ماء وخل بنسبة التلتين ماء والتلت خل ..

*************
تنظيف الجلد الطبيعي

فوطة بها ماء وصابون وجه فقط المهم يبقى الجلد طبيعي

يصلح للشنط الحريمي والاحذية بيضاء اللون ..

*************

لتسليك البالوعة

كربونات الصوديوم ( كربوناتو ) + ملح + خل ثم يصب عليهم ماء ساخن جدا

*************



لتلميع فصوص الخواتم

معجون أسنان فرشاة أسنان ثم يشطف في ماء مخلوط بخل ...

*************

لتلميع الخشب المتشقق

ننظف التراب أولا ثم يوضع كريم يدين خاص بالبشرة الجافة ..

*************



لتنظيف شابوة الأباجورة القماش

كربونان الصوديوم مع ماء قليل جدا جدا ويمسح الشابوة بقماش مغموسة في هذا الخليط ..

*************
لتنظيف جسم الثلاجة الداخلي و الخارجي

كربونات الصوديوم مع الماء ..لا يخدش الثلاجة ابدا ينظف ويزيل الروائح منها ..


*************
لتلميع كريستال النجفة بسهولة

جورب قطني نبلله في ماء ممزوج بخل ونلمع به ..

*************



لإزالة الصدأ من السكاكين والأواني

البصل .......نتقطع بصل بالسكينة سيزول الصدأ ..

*************

بياض ناصع و منع الكرمشة في الستائر عند الغسيل:

اضافة قليلا من النشادر الى ماء غسل الستائر والاقطان يحميها من الكرمشة ويضفى عليها بياضا شاهق ،

مع الحرص على عدم عصر الستائر لأن عصرها يشوه جمالها ويؤثر على نسيجها .

*************

لتنظيف مكواة البخار من الترسبات التي تسد فتحاتها :

لفتح مسام مكواة البخار الانسداد الذى يحدث فى فتحات مكواة البخار يمكن علاجه وذلك بملىء خزانها بالخل

وهى ساخنة ( بعد نزع الفيشة ) ثم شطفها ويتم تعبئتها بالماء مرة أخرى .

*************


للحفاظ على نباتات الزينة :

افضل الطرق لرى نباتات الزينة هى ملىء الاناء بالماء وتركه 24 ساعة قبل سقى النبات حتى

يتخلص الماء من الكلور الموجود به لأن زيادة الكلور فى الماء تضر بأوراق النبات وتغيـر لـون أوراقه الخضراء .

*************

للبقع الدهنية على الملابس:

البقع الدهنية التى تظهر على الملابس نتيجة تناثر بعض الطعام ، يمكن التخلص منها بنثر

كمية من بودرة " التلك " مكان البقعة .

*************

لتغذية نباتات الزينة:

ماء سلق البيض بعدما يبرد يسقى به النبات فهو مفيد جدا جدا .

*************
لعلاج بلل الأحذية من المطر :

لعلاج بلل الاحذية اذا ماتعرضت الاحذية للبلل نتيجة انغماسها فى ماء الامطار ، يتم حشوها

بورق الجرائد ( الخالى من الايات القرآنية ) حتى تمتص الرطوبة وايضا للحفاظ على الشكل الطبيعى للحذاء .


*************


لتنظيف أكتر للسجاد :

لنظافة الموكيت والسجاد قبل تشغيل المكنسة ينثر بعضا من بيكربونات الصودا ويتم تركها لمدة ربع ساعة .


*************
لطرد الحشرات من المنزل :

تعتبر مادة النشادر من افضل المواد الطاردة للحشرات المنزلية ، ويمكن الاستعانه بها بنثرها

فى ارجاء المطبخ وحول صندوق القمامة.

*************
للتخلص من رائحة السمك :

للتخلص من روائح السمك فى أوانى الطهى تغسل جيدا بالماء البارد وليس الساخن وأستخدام

بقايا القهوة فى الدعك ، وتغسل الايدى بالخل أو الليمون المخلوط بالملح .


*************
عند انسكاب الدهون في الفرن اثناء الطهي :

عند انسكاب الصلصة أو الدهون بفرن البوتاجاز أو الميكرويف ، مما قد يؤدى الى انبعاث الدخان من الفرن ،

يتم غلق الشعلة وتسكب كمية من الملح على المكان الذى سقطت عليه الصلصة أو الدهون مع مراعاة

أن يكون الفرن مازال محتفظا بحرارته ، وبعد دقيقة واحدة يزال الملح بقطعة قماش أو أسفنجة نظيفة .

طريقة أخرى :

يمكن وضع اناء به كوب من الماء المغلى وتركه يستكمل عملية الغلى فى الفرن وذلك لعدة دقائق ،

اذ ان البخار المتصاعد يساهم فى اذابة بقايا الطعام الملتصق ، ثم تستكمل عملية التنظيف

بأستخدام قطعة قماش مغموسة فى الخل .


*************
نظيف بقع الشيكولاتة :

يتم نقعها فى الماء المضاف اليه ( صابون غسل الصحون المستخدم فى المطبخ ) الى الصباح ثم تشطف وتغسل.

للتخلص من رائحة البهارات من المطحنة :

طحن قليلا من الخبز المحمص بها يخلصها من جميع الروائح حتى روائح البصل والثوم .

*************

للحفاظ على الشنط والأحذية من التشققات والجفاف :

يتـم دهنها بقليلا من الفازلين ، ثم يتم مسحها بقطعة قماش نظيفة ، سيمنع تشققها

ويحافظ عليها لتبدو كالجديدة .

طريقة تنظيف البوتاجاز و كيفية المحافظة عليه ... بالصور

الخطوات 
بنجيب السلكة والصابون وندعك البوتاجازجامد اوى زى الصورة 
 

بس ملحوظة صغيرة 
لو بوتاجازك مش استانلس استعملى السلكة الناعمة بلاش الخشنة عشان ميتجرحش 

وده شكله بعد ما نضف 
 

طبعا" فى خلال شغلى فى البوتاجازكنت ناقعة العيون فى المية السخنة بالكلور 
بنشفه بعد كدة بالفوطة المبللة وبعدين الناشفة 
نيجى بقى لورق الالومنيوم 
استخدمى السميك عشان يعيش 
حطى الورقة على البوتاجاز كدة 
مع خرم مكان الاشعال الذاتى بحرص عشان ميتكسروش
 

وبسن سكينة بحرص شديد افتحى مكان العيون بس 
 

ونلزق الاطراف بسلوتيب عشان ميفكش كمان لان اطراف الورق

وده شكل البوتاجازكله بعد لما غلفت الخلفية كمان بورق الفويل ولزقتها كويس 

 

والفرن كمان غسلته من جوة بنفس طريقة البوتاجاز 
ومن برة عملته بجلانس وفوطة ناشفة ونفس الحال للاجناب 
وده شكل الفرن بعد لما نضف  

والبوتاجاز كله بقى شكله كدة بيبرق ههههههههههه 
 

نيجى بقى للشيالات بتاع الحلل 

غسلتهم كويس اوى ولفيت ورق فويل عليهم كلهم عشان الدهون متلزقش فيهم ويبقى تنضيفهم اسهل بعد كدة 
زى كدة  

وده شكل العريس قصدى البوتاجاز بعد ما نضف هههههههههههههه
 

عايزة اقولكو ان الموضوع ده اد ماهو يبان متعب خصوصا" لف الشيالات بالفويل بس بجد بيريحنى كتيييييييييييييييييير لمدة تقريبا" 6 شهور لانى فى خلالها يادوب بغسل البوتاجاز من على ورق الالوميوم بس ولما بشيل الورق بيبان البوتاجاز كانه جديد

كيف تتخلصي من الهاموش؟؟

تفضلي بزيارتنا

الاول الهاموش حشره بتطير صغيره اوي اوي زي الناموس مش مضره لكن وجودها مش حلو و بيحسسك بعدم النضافه حتي لو البيت نضيف و بيظهر علة الفامهه لو سبتيها بره خصوصا في الصيف زي الموز و الخوخ وقشر البطيخ و غيره
حاكتب لكم كل اللي الردود الحلوه و المفيده\ 

• اهم حاجة متسبيش اكل بره التلاجة والزبالة ترميها اول باول وكمان تكون ليها غطاء و دائماً ترشيها ممكن جاز او بايجون ممتاز أوي بايجون وممكن تمسحي الارض بعد الطبيخ بمطهرمخفف بماء زي ديتول مثلا وكمان البصل وكده ميكونوش في المطبخ حتي تتاكدي من انه راح ونشاء الله يروح
•  جيبي بخاخه وحطي فيها مايه بديتول وكل شويه امسحى بيها الرخامه والترابيزة ورشى شويه على سلة القمامه مش هتلاقى هاموش فعلا خاالص.....و كمان هاتى البخور وشغليه كل يوم لانه نتيجته مش هتبان من اول يوم بس بعد كام مره هتلاقيه بيخف لحد ما يرووح ان شاء الله
• صاعق الناموس حل كويس جدا كمان للهاموش
• ملخص ما سبق : صاعق الناموس - البخور - نظافه المكان و ما تسيبيش حاجه بره التلاجه و كمان البصل ابعديه من المطبخ  - التطهير بديتول او الكلور - و طبعا التهويه الجيده

بالصور ....تنظيف الفرن الكهربائي

السلام عليكم ورحمة الله وبركاته
من كم يوم عملت صينية بطاطا بالدجاج ... وضفتلها شوية مرق ... وماكان عندي ورق قصدير ... حطيتها بالفرن وعملت العمايل فيه .. وكسلت يومين على تنظيفه ... وخبزت تاني يوم فيه بيتزا ومعجنات ... وزاد الطين بلة ... شوفو كيف صار 

جبتلي .. خل أبيض .. وليفة لينة ... وشوي ماء ..

 

وخلطت شوية ماء مع كمية من الخل وبللت بيها الفرن وتركته شوي وبديت أفركه ...

 

مسحته بفوطة مبلولة بماء وجففته .. وهذه النتيجة بعد الفرك  

  وبعدين غسلت الفرن من الخارج بصابون وكلوركس ..

ومسحته بفوطة مبلولة ... وجبت ملمع ولمعته ..

 

ونظفت تحته ورجعته لمكانه ورجعت له إكسسواراته وهذه النتيجة النهائية ..